Minahasa Raya Net
Posted by sosiru on 1/7/2009, 5:26 pm, in reply to "butul boss/ Re: wonderful /Re: Kawanuaku "Gelukkig Nieuwjaar 2009""
Tante Ketewa, sosiru kasiang cuma jaga pake for ba tapis bras ato ba jumur rica di kampung.
Jadi cuma tadiang tampa. Mar yang penting ada bae-bae no.
Itu biji-biji blum sampe. Keke kata mo kirim satu blek basar pa kita. Nanti jo kalu so sampe kita barbage akang.
(Napa Keke masi pake depe ken-ken bloces kong tu rambu masi blum bongkar abis sasak waktu taong baru).
Kalu kita kua cuma angka bop sadiki.
Ini pantun for samua yang rindu tu kukis khas Manado
Biji-biji sadap rasanya
Biar banya nyanda pastiu
Kalu nintau musti batanya
Biar nyanda ta wiu wiu
Kukis cucur ba renda-renda
Abis goreng taru di loyang
Kalu torang jujur deng rinda
Susah senang, orang mo sayang
(sementara mangidang tu kukis2 sadap)
sosiru
Message Thread:
« Back to thread