Minahasa Raya Net
Posted by Petu. A
on 12/23/2008, 11:20 pm
Chae sperti biasa pulang kerja so laat. Waktu dya maso, dya kage lia dya pe anak Uttu masi blum tidor, da batunggu.
Chae:"He Uttu, kiapa so malang bagini ngana blum tidor?".
Uttu:"Pa.... bole kitya batanya sadiki".
Chae (so cape):"Malang malang bagini mo batanya apa lei .... capat nae ka tampa tidor!".
Uttu(nyanda ba pinda):" Pa ..... bole nyanda kitya batanya?.
Chae (so mulai marah):"OK ...apa tu ngana mo tanya?".
Uttu:"Papa brangkat kerja pagi buta kong pulang so laat bagini, brapa tu dorang da bayar pa papa per 1 jam?".
Chae:"For apa ngana batanya ..... itu kitya pe urusan cari doi .... supaya ngana tau bagimana tu papa da banting tulang kerja ... dorang bayar 10.000 pera per 1 jam kerja".
Uttu:"Pa .... jangang marah pa ..... tapi bole kase pinjam akang pa kitya 2.000 pera.
Chae:"Apa lae ini ... so laat bagini bicara mo pinjam doi .... lebe bae ngana capat maso kamar kong nae tidor ....... masi kanino mo macam macam ... capat.... ngana mo dapa rako stou".
Uttu bajalang pelan pelan maso kamar.
Chae so diatas tanpa tidor maar nyanda dapa tidor ... dapa inga tu Uttu da batanya. Chae nyanda abis pikir kyapa tu anak batanya bagitu. Chae bangong kong maso pa Uttu pe kamar. Dya lia Uttu blum tidor.
Chae:"Uttu, kyapa ngana blum tidor ........(rasa kasihan) OK ini papa kase pinjang tu 2.000 pera".
Uttu:"Terima kase bayak pa....... tadi kitya pe doi tabungan cuma ada 8.000 pera ......... skarang so jadi 10.000 pera.
Chae:"Mo bli apa deng tu 10.000 pera?".
Uttu:"Pa ini 10.000 kitya bayar pa papa ..... maar papa musti bajanji besok ......... sadia 1 jam batamang akang deng kitya".
FOR KEKE,TOUNDANO,CHAE, MIKO, LIE KP DAN SAMUA SAMUA:
MERRY CHRISTMAS 25.12.08
&
HAPPY NEW YEAR 01.01.09
GOD BLESS YOU ALL
Message Thread:
« Back to thread