Minahasa Raya Net
Posted by ketewa on 8/26/2008, 9:48 pm
dari bandara SamRat daku cuman deng tas ransel langsung nae taksi.. turun di pasar 45
pas bayar biaya taksi, tu om sopir bilang, "makaseh ibu, Tuhan Berkati" - hatiku berdesir.. (amper2 lupa mo jawab).
ehh.. makaseh pak, GBU too"
apakah samua sopir taksi bagitu? daku ndak tau.
yang pasti ini daku pe pengalaman
kong dola bendi, minta antar sampe di resto mie lao2 goreng/kuah. dulu masih di pojok (agak kumuh) maar skarang so gede rumahnya..
makan tengah hari...
(nintau tu sudara2 deng mertua so tunggu2 di kampung)
klaar makan, langsung ke pal2. naik mikrolet arah Airmadidi. dari Airmadidi nyambung lagi yang route ke Kauditan (via minawerot).
turun di Paslaten..
he he he ... napa samua sudara so duduk2 di teras, ba tunggu.. makanan di meja so tersedia.
daku ndak mau bilang dong kalo so makan tadi.
mari mariii... makan bersama
doa dan makan... wah.. memang de pe menu yang beking lapar ulang (so itu tiap kali pulkam, pasti gode... he he alasan jo kwa tu dia, memang so gode toh)
cakalang fufu dimasak santan kental
ikan tude woku blanga
sayor paku pake cakalang ditumis
ada ubi talas rebus..
penutup, ada kolak pisang groho..... yummiee
bagitu lah tu situasi kalo pulkam
malam hari, dingin2... dimuka rumah, so mo lewat tu anak2 kecil, babataria tu dorang pe jualan :
tinorangsakk....
sate garo (maksudnya sate tidak pake tusukannya)
sayor pangi
oh ya sebelum lupa, di tonsea minawerot memang bagitu de pe keadaan, jualan makanan masak kalo so petang jelang malam, jadi ndak usah repot memasak lagi.. cukup nasi jo..
oh ya kalo masih sore2, jualannya kukis2.
pinende (tau nggak nih..? cari tau sandiri)
kopi minyak
lampu lampu
onde2 kicap
ambal
nah lho....
ntar sambung lagi deh..., mo tunggu inspirasi kenangan
batambah jo deng tu kisah masing2
ketewa
talaga seper
Message Thread:
« Back to thread