Minahasa Raya Net
Posted by BURAKO on 9/9/2007, 1:27 pm, in reply to "Bola Sulut Mulai Berguling" Bola Liar Taputar bale amper tabobale Pontar di bendar mo ba keliling Mandi kong tunggu jaga lia jo
maso kaluar basosuru
takage bagini so sorudu di sana
lia kamari so tasopu disini
taguling guling susah mo paka
bukang tagal dia polia
atou totofore mo bakulia
cuma mangkage pa sapa wona
sebab bukang kwa apa apa
mo cari opo deng tuama
biar sambunyi di balakama
dengar suara kwa sapa dia
lewat Pineleng langgar jo Telling
cikar di bok belok ba miring
riki kamari takincing kincing
orang lia kwa nyanda pusing
biar mo dola ka Tuminting
putar turus dia taguling
bungkil deng konga samua tagiling
bobasa suar sampe so kering
maso di aer jatung tabanting
pangge ka kamari pa encepia
tasalah jaga tampias sudah
iko bermaeng tumbu tumbu blanga
minya rom pica koleto dibawah
nyanda tahang dia bahoba
taguling guling nintau kemana
sama deng pok pok pe bataria
suara jao padahal so dekat
rasa lepe sadia tikar
isi di karong biar balingkar
kalu nimau pi kase biar
dia taguling ta putar putar
malontok tinggi nyanda mo tukar
rasa tacigi sapa di luar
sapatau bagini
tu Bola Liar.
Burako
Message Thread:
« Back to thread