Minahasa Raya Net
Posted by BARABAS on 9/4/2007, 9:22 am Namanya Ba tamang bae kamana saja Ungke deng Tole sama-sama sampe Momo deng Keke so julus jaha tagal da jatung cinta pa dorang maar Tole deng Ungke cuek tako batona lalu Keke deng Momo bilang,..eh ngoni dua ini HomeMo stouw ?, ahhh Tole deng Ungke beking diri pongo nda malas mo dengar. Depe eso dorang dua pigi bapancing,dan lia kamari ujang mo turung terpaksa Tole bungkus depe roko deng plastik supaya nda bobasa maar lupa tu macis ada di Ungke pe popoji. Nda pake rekeng satu dua tiga deng gurango mama gurango papa serbu,... brung brang....omba besar teru satu kali prao ta bobale kedua karib maso aer malamise nintau batobo Tole deng Ungke kolekos berdua alias wafat seketika menuju alam baka sampe nda riki taru kapas dimulu. Sampe Di alam baka bajalang menuju surga ada pesta besar pe rame skali, Tole bilang pa Ungke bajalang turus iko pakita jo ngana awas kalu ngana mo slamat jang bobale muka kiri kanan ka tu pesta pustema ityu ,deng kalu dorang da pangge pura pura nda dengar...mengarti nganaaaa ? Bajalang jao nae tanjakan tinggi nda lama kamari dorang dua so sampe di ditaman luas dimuka Pintu Surga lia pe bagus skali. Duduk ditaman Indah Tole deng Ungke smore luar biasa,..ini kwa baru bilang taman yang Indah ,biar le cari dimana nda ada sama. Kage kamari Ungke so basuar dingin da ta bingo bingo
Tole deng Ungke
Tole deng Ungke batamang bae deng pang baroko brat punya.
Waktu dorang dua maso gereja pandita so kase nasihat agar jangang telalu pang baroko dan dorang dua so mengaku mo stop roko mendadak kata.
Kaluar gereja bagini dua dua pura pura lupa dorang kase kaluar roko deng casssss cisss,...api manyala bakar roko ngepul putih ba asap,depe dolong hati,...ahhhh pusing pa apa deng tu pandeta sweko penasihat ? kalu mo kolekos kolekos jo kasana yang penting nyulut di Sulut kine ndo on karu eh.
Bapancing bacarita masa lalu ikang da teto rame hela gomala iko kuat,
So dapa ikang banya dorang dua bapancing turus nda mo pulang deng takage kamari Ungke pe gomala ta gate cigi kenal pa ikang gurango pe anak,Ungke cigi rado tu anak ikang gurango pe sedap mo beking woku blanga kata.
Gurango mama deng gurango papa so bacari fugado tafuraga lia kasana kamari maar tu dorang pe anak nda baku dapa,so nda laeng lei ni dua oknum diatas pe kerjang sudah sampe ta pe anak so korban kenal gomala,begitulah gurango papa pe duga dugi jitu atas ke dua oknum diatas yang tak lain dan tak bukan si Tole deng Ungke,...maka penyerangan pun terjadilah.
Iyoooo,....Ungke dengar deng punung perhatian kesetiaan.
Mo maso Surga bagini ada malaekat penjaga dipintu,
tu malaekat tanya Ehh....ngoni dua pe nama sapa dang ?
Torang pe nama Tole deng Ungke.
Malaekat lia di buku besar cari cari tu nama Tole deng Ungke maar nda ada lalu dia bilang ,,eh..ngoni dua pe nama nda ada disini bobale jo ka bawa sana ka Neraka Palace ngoni pe tampa disitu deng Burako ngoni dua pe nama so pasti ada disitu nda salah lei.
Dengar tu malaekat bilyang bagitu deng rasa ganu brat punya Ungke marah jaha dia tiki pinggang mo paka paka pa tu malaekat.
Ungke bilang ; Eh Malaekat cabiu mo pica kwa nganaaaa ?,..ngana bilyang torang dua pe nama nda ada di itu buku ? kalu torang pe nama bulung ada noh catat jo dang skarang.
Dengar da baribut jaha dimuka pintu nda lama kamari tasopu tu malaekat laeng yang lebe ramah deng pambae skali dari malaekat yang pertama,bicara bae bae lalu dia kase maso pa Tole deng Ungke di Surga.
Dudu terlena asyik memandang nyaman sentosa aman dan damai tanpa pilkada deng pemekaran serta pemilu pustema samua ityu,.. maar,... dorang dua pe dalang hati ini lebe sedap lei kalu dudu deng baroko,
Deng segra Tole kase kaluar tu roko ji sam soe yang dia da bungkus tadi deng plastik sambil dia bo baca ulang ulang tu roko pe merk, Ji Sam Soe..Ji Sam Soe,...Ohhhh depe arti Jiwa Sampe Soerga kwa ini ? butul tu dia torang so sampe noh.
Mo bakar tu roko bagini nda ada api ,tadi tu macis so bobasa di Ungke pe popoji.
Nada lama kamari datang tu malaekat yang pertama tadi da senyum lia padorang,..Ungke badiri bagaya maruku deng roko dimulu dia tanya deng hormat pa tu malaekat,
Hai Malaaaaak ? ada macis kwa angkooooo ? co kase pinjang kwa kamari ?,....eh hemmmmm
Tu Malaekat pe jawab,Apaaaaa ? mo pinjang macisssssss ?...macis itu toch apiiiii ,maaf disini nda ada macis juga nda ada api,
tadi kita toch so bilang ngoni dua pe tampa di bawa sana di Neraka, disana da banya macis deng api.
deng ba kuca kuca mata dia takage dari mimpi.
Nrk Palace.
Burako.
Message Thread:
« Back to thread